- Хистæры ракуывд цины фынгыл
-
– О Стыр Хуыцау! Æмбал кæмæн нæй,Цытджын Иунæг Хуыцау, табу Дæхицæн!– Оммен, Хуыцау!– Мæнæ а хæдзары бинонты кувинæгтæ Дын æхцон фæуæнт!– Оммен, Хуыцау!– Æппæт дуне рафæлдисæг Дæ, æмæ нæ Дæ хорзæх уæд!– Оммен, Хуыцау!– Ды нæ радтай цардмæ æмæ нæ царды рæсугъд фæндæгтыл араз!– Оммен, Хуыцау!– Дæ быны хорздзинадæй цы ис,Уыдонæй ацы хæдзар дæр хайджын куыд уа, уыцы арфæ ракæн!– Оммен, Хуыцау!– О Стыр Хуыцау, кæддæриддæр дын Дæ ном куывдты æмæ чындзæхсæвтыÆртыгай чъиритæй куыд арæм,Ахæм цард нын рауадз.– Оммен, Хуыцау!– Де сконд зæдтæ æмæ Дауджыты хорзæх нæ уæд!– Оммен, Хуыцау!– Уæ, тæхгæ-нæргæ сыгъзæрин Уастырджи,Хуыцауæй зæхмæ ирон адæмы минæвар дæ,Хуыцаумæ дын фæндаг ис,Æмæ дзы ирон адæмæн хорздзинæдтæ курæг у!– Оммен, Хуыцау!– Дæ рахиз базыры бын сæ бакæн!– Оммен, Хуыцау!– Хуыцауы фыдæхæй сæ хъахъхъæн!– Оммен, Хуыцау!– Йæ хорзæх сыл тау!– Оммен, Хуыцау!– Ды родæй гал кæныс, байрагæй – бæх, лæппуйæ – лæг,Æмæ нæ кæстæртæ – де уазæг!– Оммен, Хуыцау!– Фыдбылызæй сæ бахиз!– Оммен, Хуыцау!– Бынаты дæр æмæ фæндагыл дæр –Кæддæриддæр дзæбæх куыд уой,Уыцы арфæ сын дæ цæст бауазад!– Оммен, Хуыцау!– Уæ зæлдагбоцъо уæларвон Уастырджи,Зæхмæ ирон адæммæ Хуыцауæй æххуысмæ æртæхыс,Æмæ де ‘рбадæн бынæттæ алы ран дæр куывддонтæ систы.Кад дын кæнынц ирон адæм æмæ сæ дæ хорзæх yæд!– Оммен, Хуыцау!– Лæгты дзуар дæ æмæ Ирыстоны лæгхъуаг макуы ныууадз!– Оммен, Хуыцау!– Хетæджы Уастырджи, Тымбылхъæды дзуар, табу дæхицæн!– Оммен, Хуыцау!– Хетæгæн зын сахат цы æххуыс бакодтай, афтæ ауд а хæдзарыл дæр!– Оммен, Хуыцау!– Ирон адæмы Цæгатæй – Хуссарæй, хохæй – быдырæй иу кæныс,Фарн сыл æфтауыс, сæ ныфс дæ,Нымдгæнгæ дæ бынмæ кувынмæ, курынмæ цæуынцÆмæ cæ-иу курдиаты рæстæг дæ хорзæхæй барæвдау!– Оммен, Хуыцау!– Хуыцаумæ кувæг ирон адæм стæм.Нæ хæхбæстæ – дзуарбадæн, нæ быдыртæ – бæркадбарæн.Хохæй – быдырæй цыдæриддæр зæд æмæ дуагæн кувæндон ис, табу уæхицæн!– Оммен, Хуыцау!– Нæ зæрдæйы конд куыд у, нæ цард дæр нын афтæ скæнут!– Оммен, Хуыцау!– Æмзонд, æнгомдзинад ныл бафтаут!– Оммен, Хуыцау!– Хъæуæнгом æмæ сыхагуарзонæй куыд цæрæм, ахæм арфæ ракæнут!– Оммен, Хуыцау!– Горæты дзуæрттæ, Ирыхъæуы зæд,Уæ быны цæрæм, табугæнæг уын стæм,Æмæ нæ уæ хорзæх уæд!– Оммен, Хуыцау!– Алыхуызон адæмтимæ у нæ цардÆмæ, кæрæдзи куыд æмбарæм, уымæн ахъаз бакæнут!– Оммен, Хуыцау!– Хæлардзинад нæ царды нысан куыд суа!– Оммен, Хуыцау!– Уæ, Сыгъдæг Мады Майрæм,Моймæдзыд сылгоймæгтæ де вджид стыÆмæ сыл дæ хорзæх тау!– Оммен, Хуыцау!– Хъахъхъæн сæ!– Оммен, Хуыцау!– Дæ раттæггаг кæстæртæ ирон адæммæ фылдæрæй-фылдæр куыд кæной!– Оммен, Хуыцау!– Дзæбæхæй сæ ныййарджыты фæндиаг куыд рæзой!– Оммен, Хуыцау!– Царды хорздзинæдтæй рæвдыд куыд уой, уыцы арфæ ракæн!– Оммен, Хуыцау!– Ныхы дзуар, къайады бардуаг дæ,Æмæ нæ чызджытæ хорз амæндтæ куыд хæссой!– Оммен, Хуыцау!– Нæлы дзуар, тырынтæ ды гуырын кæныс,Æмæ чындзытæн фырттæ фылдæр куыд гуыра,Уыцы фарн рауадз!– Оммен, Xуыцау!– Нæ нæлгоймаг фæсивæд тархъæды хуызæн куыд кæна!– Оммен, Хуыцау!– Кæй хæдзары кувæм, уыдон дæр дзы хайджын куыд уой!– Оммен, Хуыцау!–Урс сызгъæрин Аларды æмæ æлхынцъæрфыг Рыныбардуаг, табу уæхицæн!– Оммен, Хуыцау!– Hæ сабитæ – уе уазæг!– Оммен, Хуыцау!– Зæхмæ куы æрцæут, уæд-иу нæ хъазгæ-худгæйæ ныууадзут!– Оммен, Хуыцау!– Уе ргом нæм макуы равдисут!– Оммен, Хуыцау!– Уæ чъылдыммæ уæм сызгъæрин тæбæгъты кувдзыстæм.– Оммен, Хуыцау!– Тхосты дзуар, табу дæхицæн!– Оммен, Хуыцау!– Нæ бæстыл сабырдзинад рауадз!– Оммен, Хуыцау!– Нæ кæстæртæ зындзинадмæ макуы бахауæнт!– Оммен, Хуыцау!– Тыхгæнæгæй сæ бахиз!– Оммен, Хуыцау!– Уæдæ нæ паддзахы хорзæх дæр уæд!– Оммен, Хуыцау!– Цы уынаффæтæ хæссы, уыдон нæ зæрдæты фæндиаг куыд уой!– Оммен, Хуыцау!– Хорзæй сæ куыд æххæст кæнæм, ахæм фарн æмæ хъару нæм уæд!– Оммен, Хуыцау!– Йемæ нæ тыхы сæр макуы бахъæуæд!– Оммен, Хуыцау!– Æвзвæндаджы Уастырджи, табу дæхицæн!– Оммен, Хуыцау!– Hæ кæстæртæ кæддæриддæр фæндагыл сты,Æмæ амондджын фæндæгтыл куыд цæуой,Ахæм арфæ сын ракæн!– Оммен, Хуьщау!– Æрджынарæджы Тæтæртупп, æфсæнвæндаджы бар дæумæ ис.Арыхъы Дурджынбæрзонды Уастырджи, Цыргъобауы дзуар,Уæлдæфон фæндæгтæ уæ рæзты цæуынц,Æмæ-иу нæ фæсивæд фæндараст куыд кæной, уыцы арфæ се уæд.– Оммен, Хуыцау!– Угас хæдзар куыд арой, уый сын уе цæст бауарзæд!– Оммен, Хуыцау!– О Хоры Уацилла æмæ Фосы Фæлвæра, табу уæхицæн!– Оммен, Хуыцау!– Нæ гонтæ æмæ уæтæртæ хорæй æмæ фосæй дзаг куыд уой!– Оммен, Хуыцау!– Куывдтæ æмæ дзы чындзæхсæвтæ куыд кæнæм, ахæм арфæ нын ракæнут!– Оммен, Хуыцау!– Касуты дзуар, табу дæхицæн!– Оммен, Хуыцау!– Уалдзæджы зæд дæ, æмæ уалдзæджы цы куыстытæ бакæнæм,Уыдон не ‘ппæтæн дæр Фæззæджы куывдты хæринаг фæуæнт!– Оммен, Хуыцау!– Реком æмæ Мыкалгабыртæ, табу уæхицæн!– Оммен, Хуыцау!– Бæркад æфтауæг стут,Æмæ нæ бæркæдтæ Сидæны цæхгæрау уæле исгæ,Бынæй ахадгæ куыд уой!– Оммен, Хуыцау!– Хорз хъуыддæгты сæ куыд хардз кæнæм!– Оммен, Хуыцау!– Бахъуыды сахат нæхи къухы куыд уой!– Оммен, Хуыцау!– Агурын сæ куыд нæ хъæуа, ахæм арфæ ракæнут!– Оммен, Хуыцау!– Уæдæ мæнæ бынатæн кувæм,Æмæ сæ Бынаты Хицауы хорзæх уæд!– Оммен, Хуыцау!– Кæддæриддæр сæ бынаты куывдтæ æмæ чындзæхсæвтæ куыд кæной,Ахæм амонд сæ уæд!– Оммен, Хуыцау!– Наф, хæдзарвæндаджы зæд рæ,Æмæ сæ хæдзарвæндаг фидар куыд уа!– Оммен, Хуыцау!– Хорз гуырдтæ дзы куыд хъомыл кæна!– Оммен, Хуыцау!– Мыггагæн нæ, фæлæ æнæхъæн Ирыстонæн дæр кадгæнæг куыд уой!– Оммен, Хуыцау!– Hæ намыс ын уæлдæр куыд сисой!– Оммен, Хуыцау!– Сафа, бинонты æнгомдзинады бардуаг,Æртхурон, къонайы зæд, табу дæхицæн!– Оммен, Хуыцау!– Уæ алыварс цы бинонтæ ис, уыдон кæрæдзийæн уарзон куыд уой!Кæстæрæй, хистæрæй цардамонд сæ хай!– Оммен, Хуыцау!– Сæ алы хорз хъуыддагæй дæр сæ зæрдæ куыд рухс кæна!– Оммен, Хуыцау!– Фæрнджын куыд уой!– Оммен, Хуыцау!– Сæ хæдзар куывддон куыд уа!– Оммен, Хуыцау!– Уыцы арфæтæ сын ракæнут!– Оммен, Хуыцау!– Сæ кувинаг барст уæд, сæ мысайнаг – ист, сæ нывондаг – арфæйаг!– Оммен, Хуыцау!– Ныхасы Уастырджи, табу дæхицæн!– Оммен, Хуыцау!– Нæ ныхæсты фарн æмæ амонд куыд уа!– Оммен, Хуыцау!– Зæдтæ æмæ дауджытæм куыд хъуысой!– Оммен, Хуыцау!– Æвзæргæнæджы куыд сæттой!– Оммен, Хуыцау!– Уыцы арфæ ракæн!– Оммен, Хуыцау!– Цы зæд, цы дуаджы æрымысыдыстæм, кæмæ скуывтам,Се ппæты хорзæх дæр уæд а хæдзары,Ацы адæмы, Ирыстоны!– Оммен, Хуыцау!– Афтæ ма цы зæд, цы дуаг зæгъдзæн,Мæ ном мын куы загътаид, уæд сын æз фылдæр фæахъаз уыдаин,Уымæн дæр табу йæхицæн!– Оммен, Хуыцау!– Уæдæ нæ омменгæнджыты цæрæццаг хъæлæстæ æдзухдæр Ирыстоны арвы бын куыд нæрой,Ахæм амонд нæ уæд!– Оммен, Хуыцау!– Чи ацахода, уымæн мæ куывдтытæй хай!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
